約翰壹書 1
生命之道1 論及嗰位由起初就存在嘅生命之道。係我哋聽聞,親眼睇見;冇錯,係我哋已經見過,而且親手摸過嘅。
2 此生命出現時,我哋見到;所以,我哋向你哋作證,並傳揚嗰位原來與父同在、而且已經向我哋顯現嘅永生。
3 我哋將所睇見、聽聞嘅傳俾你哋,等你哋能共享我哋嘅團契;此團契係我哋同父及佢嘅仔耶穌基督共有嘅。
4 我哋寫呢啲等我哋同你哋嘅喜樂充足。
5 現今我哋將由上帝嘅仔聽到嘅信息傳俾你哋:上帝係光,喺佢處毫無黑暗。
6 若我哋話我哋同佢有團契,但仍然生活喺黑暗中,我哋就係講大話,行為唔合真理。
7 若我哋生活喺光明中,好似上帝喺光明中,我哋就彼此有團契,佢嘅仔耶穌嘅血亦洗淨我哋一切嘅罪。
8 若我哋話自己冇罪,就係自欺,真理就同我哋冇關係。
9 若我哋向上帝認罪,佢係信實公義嘅,佢必赦免我哋嘅罪,洗淨我哋犯嘅各種過錯。
10 若我哋話自己冇犯過罪,係將上帝當做講大話嘅,佢嘅道就同我哋冇關係。