Library · yue

約翰壹書 5

勝過世界

1 所有信耶穌係基督嘅,都係上帝嘅仔女。若我哋愛個做父嘅,亦必愛佢嘅仔女。

2 由於我哋愛上帝,並遵守佢嘅命令,我哋就知道我哋愛佢嘅仔女。

3 遵守上帝嘅命令就係愛上帝;佢嘅命令並唔難守,

4 因為上帝嘅每個仔女都能勝咗世界。使我哋勝咗世界嘅,係我哋嘅信心。

5 邊個能勝咗世界呢?只有信耶穌係上帝之子嘅人致能勝咗世界。

見證耶穌基督

6 耶穌基督到世上係透過洗禮嘅水同犧牲嘅血;唔係單用水,而係用水同血。聖靈亦親自作證呢啲係真實嘅,因為聖靈就係真理。

7 聖靈、水,同血三者都作證,三者都一致。

8 拼於上節

9 既然我哋接受人嘅見證,上帝嘅見證當然更有效力,因此見證係上帝為佢嘅仔作嘅。

10 所以,信上帝嘅仔,就有此見證喺佢心中;唔信上帝,就係將上帝做講大話嘅,因為佢唔信上帝曾為佢嘅仔作見證。

11 此見證係:上帝賜俾我哋永生,此生命嘅源頭係佢嘅仔。

12 有上帝嘅仔,就有生命;冇上帝嘅仔,就未有生命。

永生

13 我寫呢啲俾你哋,等你哋知道,你哋信上帝嘅仔嘅人有永生。

14 我哋喺上帝面前放膽無懼;因為我哋確實知道,若我哋照佢嘅旨意求,佢都會垂聽。

15 既然我哋知道佢垂聽我哋一切嘅祈求,就知道我哋向佢所求嘅,佢一定賜俾我哋。

16 若有人見兄弟犯咗不至於死嘅罪,佢應該向上帝祈求,上帝會賜生命俾佢嘅兄弟。呢啲係指嗰啲犯咗不至於死嘅罪嘅人講嘅。但係,有啲罪會導致死亡,我認為你哋不必為呢種罪祈求。

17 一切唔公義嘅行為都係罪,但有不至於死嘅罪。

18 我哋知道,上帝嘅仔女唔會繼續犯罪,因為上帝嘅仔保守佢,使嗰個邪惡者不能加害於佢。

19 我哋知道,雖然全世界都喺嗰個邪惡者嘅轄制下,我哋仍然屬於上帝。

20 我哋知道,上帝之子已經來,而且賜俾我哋理解力,使我哋認識真神。我哋喺真神嘅生命中,係喺佢嘅仔耶穌基督嘅生命中。佢係真神,亦係永生。

21 小子呀,你哋要自守遠避偶像!