啟示錄 11
兩個見證人1 我得到一支好似杖嘅尺,有聲對我話:「起身,量吓上帝嘅聖殿同祭壇,並數吓殿裏禮拜嘅人。」
2 但係,唔使量聖殿嘅外院,因為此外院已經俾異邦人;佢哋要踐踏聖城四十二個月。
3 我要打發兩個着住麻衣嘅見證人;佢哋要傳講上帝嘅信息一千二百六十日。」
4 嗰兩個見證人就係企喺世界之主前嘅兩樖橄欖樹同兩個燈臺。
5 若有人想傷害佢哋,佢哋會從口裏吐出火燄,燒死敵人。所以,所有想傷害佢哋嘅就必照樣被殺。
6 佢哋有權喺佢哋宣佈上帝信息嘅日子,叫天閉塞唔落雨。佢哋又有權管理每個水源,使水變成血,亦有權隨時隨意用各種災難打擊大地。
7 佢哋宣佈信息之後,從無底坑出嚟嘅獸必與佢哋打仗,擊敗佢哋,將佢哋殺死。
8 佢哋嘅屍體將放喺大城嘅街上,即係佢哋嘅主被釘十字架嘅地方。此城按靈意來講叫所多瑪又叫埃及。
9 從各民族、各部落、各語言,同各國,有人嚟睇佢哋屍體三日半,而且唔准人安葬佢哋。
10 地上嘅人因佢哋嘅死而歡樂。互相慶祝,交換禮物,因為呢兩位先知曾令佢哋受苦。
11 過咗三日半,有生氣從上帝處嚟,進入佢哋裏,佢哋就企起身;睇見嘅人都好驚。
12 兩位先知聽見有大聲從天出嚟對佢哋話:「上嚟呢處!」佢哋嘅敵人亦睇見佢哋乘住雲升天。
13 正喺嗰時,地大震動,城就冧咗十分一,因地震而死嘅有七千人。其餘嘅人非常驚慌,都讚美天上上帝嘅偉大。
14 第二種災難過去;第三種災難就到。
第七枝號筒15 第七位天使吹號,天上就有大聲話:「世上嘅國成為我哋嘅主同佢所立嘅基督嘅國;佢要做王,直到永遠!」
16 喺上帝前、坐喺處嘅二十四位長老都面伏喺地,敬拜上帝,
17 話:昔在、今在嘅主—全能嘅上帝!我哋感謝你;因為你運用大權,統治萬國!
18 列國狂怒,但你嘅義怒亦臨到。時機已經成熟,死人要受審判;你嘅僕人眾先知,同眾聖徒,凡敬畏你名嘅人,唔論尊卑,都要得賞賜。嗰啲毀滅大地嘅人要被毀滅!
19 嗰時,上帝喺天上嘅聖殿開咗;佢嘅約櫃喺殿裏出現。隨後有閃電、響聲、雷轟、地震,大雹。