Job 4
4:1 Te vaengah Temani hoel Eliphaz loh a doo.
4:2 Te vaengah nang te ol neh n'noemcai saeh, na ngak aya? Tedae olthui te kuemsuem ham unim aka noeng eh?
4:3 Muep na toel tih kut kha rhoek khaw na talong coeng te.
4:4 Aka paloe rhoek te na olthui loh a thoh tih khuklu aka khun khaw na caang sak.
4:5 Tedae namah taengla ha loe tih na ngak coeng, namah te m'ben tih na let coeng.
4:6 Na hinyahnah, na ueppangnah, na ngaiuepnah, na longpuei kah thincaknah khaw om pawt nim?
4:7 Poek van laeh, ommongsitoe he paltham nim? Aka thuem rhoek te melam a thup?
4:8 Ka hmuh vanbangla boethae aka thoe tih aka soem khaw amah long ni thakthaenah a ah.
4:9 Pathen kah hiil dongah milh uh tih a thintoek khohli dongah khap uh coeng.
4:10 Sathueng khaw kawknah neh sathuengca khaw a ol neh om dae sathuengca khaw a no tloong.
4:11 Maeh a mueh lamloh sathueng te milh tih sathuengnu ca rhoek khaw pam uh.
4:12 Ka taengah ol a huen tih a olduem loh kai hna a lat sak.
4:13 Hlang he khoyin olphong lamkah pomnah khuiah a ih muelh vaengah.
4:14 birhihnah loh kai m'mah tih thuennah neh ka rhuh boeih a rhih sak.
4:15 Mueihla loh ka maelhmai a pah vaengah ka mul ka saa poenghu.
4:16 A pai vaengah khaw a mueimae ka hmat moenih. A muei tah ka mikhmuh ah om tih bidip ol a yaak.
4:17 Pathen lakah hlanghing he tang tih anih aka saii lakah ah hlang caihcil ngai a?
4:18 A sal rhoek soah tangnah pawt tih a puencawn te a lolh la a khueh atah,
4:19 Laipi neh lai im dongah kho aka sa aisat te bungbo hmai ah a khoengim pop coeng.
4:20 Mincang lamloh hlaem duela a phop te a yoeyah la a milh khaw mingpha pawh.
4:21 Amih lamkah a a hlangrhuel a phil pah vaengah a duek uh moenih a? Te dongah cueihnah neh a om moenih a?