Library · hlt

Job 40

40:1 Te phoeiah BOEIPA loh Job te a voek tih, 40:2 Tlungthang te a ho a? Cawtkung aka tluung te Pathen loh doo nawn saeh,” a ti nah. 40:3 Te vaengah Job loh BOEIPA te a doo tih, 40:4 “Kai n'kosinah coeng he. Namah te metlam kan thuung eh? Ka kut he ka ka dongla ka puei mai coeng. 40:5 Vai ka thui vaengah ka doo voel pawt dongah pabae nen khaw ka koei mahpawh,” a ti nah. 40:6 Te phoeiah BOEIPA loh Job te hlipuei khui lamloh a voek tih, 40:7 Hlang bangla na pumpu te yen laeh. Nang kan dawt vaengah kai m'ming sak. 40:8 Ka laitloeknah he na phae tang aya? Na tang hamla kai nan boe sak aya? 40:9 Nang te Pathen bangla na ban om tih ol neh rhaek bangla na hum a? 40:10 Hoemdamnah neh na oeknah te oi laeh lamtah mueithennah neh rhuepomnah te bai laeh. 40:11 Na thinpom thintoek te sah laeh. Thinthah boeih te so lamtah anih te kunyun sak laeh. 40:12 Thinthah boeih te so lah. Anih te kunyun sak lamtah halang rhoek khaw a hmui la daep laeh. 40:13 Amih te laipi khuila det lamtah a thuh khuiah khaw a maelhmai te rhenten poi pah. 40:14 Te vaengah na bantang kut loh nang te n'khang thai tila kai loh nang kang uem van ni. 40:15 Behemoth te namah neh kan saii tih saelhung bangla sulrham ka cah coeng ke. 40:16 A thadueng te a cinghen ah, a thahuem te a bungko kah thanal dongah om coeng ke. 40:17 A mai te lamphai thing bangla a hloih tih a phaiboeng, a phaiboeng te a tharhui loh a cut pah. 40:18 A rhuh te rhohum tuicawn bangla, a songrhuh khaw thi boeng bangla om. 40:19 Anih tah Pathen kah longpuei a tongnah om tih, anih aka saii long ni a cunghang a tawn thai. 40:20 Tlang kah cakkoi te anih taengla a phueih uh tih kohong mulhing boeih te pahoi luem uh. 40:21 Yinhnuk ah hlip hmuila capu neh nongtui dongah yalh. 40:22 Anih te hlip kah a hlipkhup loh a dah tih anih te soklong tuirhi loh a vael. 40:23 Tuiva loh a kawt akhaw a tamto moenih. Jordan loh a ka a hoh pa akhaw a omtoem. 40:24 Anih te a mik neh a loh tih hlaeh neh a hnarhong a toeh a?