Proverbs 8
8:1 Cueihnah loh n'khue moenih a? Lungcuei loh a ol a huel dae ta.
8:2 Longpuei taengkah hmuensang som ah a im kah a hawn ah khaw pai ta.
8:3 Vangpuei la a kun phai kah vongka hmoi ah khaw thohka kah a rhai ah khaw tamhoe ta.
8:4 Aw hlang rhoek, nangmih te kang khue tih ka olthang he khaw hlang capa ham ni.
8:5 Hlangyoe rhoek loh khinglangnah yakming lamtah aka ang rhoek loh lungbuei te yakming lah.
8:6 Hnatun uh, rhaengsang la ka thui dongah ka hmuilai ka ongnah he vanat la om.
8:7 Ka ka loh oltak a thuep tih halangnah te ka hmuilai kah a tueilaehkoi ni.
8:8 Ka ka dongkah duengnah olthui boeih he a hloo vilvak moenih.
8:9 Aka yakming ham tah boeih langya tih mingnah aka dang ham tah thuem ngawn.
8:10 Ka thuituennah tangka nen pawt tih, mingnah he sui a coelh lakah khaw lo lah.
8:11 Cueihnah tah lungvang lakah then tih ngaihnah sarhui khaw te nen te vanat sak thai pawh.
8:12 Kamah tah cueihnah, khinglangnah neh kho ka sak tih thuepnah dongkah mingnah te ka hmuh.
8:13 BOEIPA hinyahnah dongah a thae la koevoeinah te thiinah ham ni hoemdamnah neh a thae longpuei khaw, calaak ol khaw ka hmuhuet.
8:14 Cilsuep neh lungming cueihnah tah kamah taengah, ka yakmingnah neh, kamah ham thayung thamal la om.
8:15 Kai rhangneh manghai rhoek loh manghai tih boeica rhoek loh duengnah neh a taem uh.
8:16 Kai rhangneh mangpa rhoek khaw boei uh tih hlangcong boeih loh duengnah lai a tloek uh.
8:17 Kai aka lung, aka lungnah te ka lungnah tih kai aka toem rhoek loh kai m'hmuh uh.
8:18 Khuehtawn neh thangpomnah khaw, aka nguel boeirhaeng neh duengnah khaw kamah taengah om.
8:19 Sui neh suicilh lakah ka thaih then tih ka cangvuei khaw cak lakah cae.
8:20 Duengnah caehlong ah tiktamnah a hawn khui la ka pongpa.
8:21 Kai aka lungnah tah ka koe ka pang sak tih a thakvoh te ka koei pah.
8:22 Daengrhae daengkhoi lamkah a bibi, hlamat kah a longpuei a tongcuek ah BOEIPA loh kai n'lai coeng.
8:23 Khosuen lamloh, a lu lamloh, diklai khothoeng lamloh kai n'hloe.
8:24 Kai ka poe vaengah tuidung khaw ana om pawh, tuisih tui ana phul pawh.
8:25 Tlang a buek hlan ah som a tueng hlan ah ka cuen coeng.
8:26 Te vaengah diklai khaw, tollong khaw, lunglai dongkah laipi lamhma khaw ana saii moenih.
8:27 Vaan a soepsoei ham vaengkah, tuidung hman kah a kueluek te a tarhit ham vaengkah khaw kamah ni.
8:28 A sang hmuen kah khomong thah sak ham khaw, tuidung tuiphuet tanglue sak ham vaengah khaw,
8:29 Tuitunli te a rhi suem pah ham vaengah khaw ka om coeng. Te dongah tui loh BOEIPA ol te poe pawh. Diklai kah a yung te a tarhit ham vaengah ka om coeng.
8:30 Amah taengah bibi thai la ka om tih hnin bal hnin bal hlahmaenah neh ka om. A tue boeih dongah amah mikhmuh ah ka luem.
8:31 A khohmuen kah lunglai dongah aka luem loh hlang ca te khaw ka hlahmaenah coeng.
8:32 Te dongah ca rhoek loh kamah taengah hnatun uh lamtah kamah kah yoethen longpuei ngaithuen uh.
8:33 Thuituennah he hnatun lamtah cueih lamtah hlahpham boeh.
8:34 Kamah taengah aka hnatun Ka thohkhaih taengah a hnin a hnin ah aka hak, ka thohka kah rhungsut aka ngaithuen hlang tah a yoethen pai.
8:35 Kai aka hmu long tah hingnah te a hmuh rhoe a hmuh tih, BOEIPA taengkah kolonah a dang.
8:36 Tedae kai aka hmaang long tah a hinglu a huet, kai aka thiinah boeih loh dueknah te a lungnah.