Job 37
37:1 Hei vang hian ka thinlung a khur a, A phu hlawp hlawp a sin.
37:2 Ngaithla ngun u la, a awrawlte leh A kaa lo chhuak rite chu.
37:3 Van pum pui hnuaiah a tir chhuak a, A kawlphe chu lei tawp thleng thlegin.
37:4 A hnuah chuan a awrawl a chhuah a, A ropuina aw chu a tiri dur dur a: A aw an hriat pawhin a chawlhtir chuang lo.
37:5 Pathian chuan mak takin a awm a tiri dur dur a, Thil ropui tak, kan hriat phak loh a ti a ni.
37:6 Vur hnenah chuan, 'Leiah tla rawh,' a ti a, Chutiang bawk chuan ruah leh ruahpuite hnenah pawh.
37:7 Mi tinreng kut chu a tikhawng zo a, A mi siam zawng awngten an hriatna'n.
37:8 Tichuan, ramsaten bik bona an pan a, An bu zawlah an awm reng a.
37:9 Chhim lam pindan ata thli chhia a lo thawk a, hmar lam ata khaw vawt.
37:10 Pathian thaw vangin tuikhal a lo awm a, Tui zau tak pawh a khal zo a,
37:11 A ni, chhum chhah puite chu hnawngin a tikhat a, Chhumah chuan kawlphe a tidarh a.
37:12 Ama hruaiin an vir zawr zawr a, Khawvel chen theihna zawng chungah hian, A thupek apiang an tih theihna'n.
37:13 Zilhna'n emaw, a ram thatna'n emaw, Zahngaih vang emaw a rawn awm tir a ni.
37:14 Joba, hei hi ngaichang teh, Beng sikin Pathian thiltih makte chu ngaihtuah teh.
37:15 Chung chu Pathianin thu a pek dan leh A chhuma kawl a phettir dante i hria em ni?
37:16 Chhum a kan theih dan te, Hriatna famkim neitu thiltih makte hi i hria em ni?
37:17 Chhim thli avanga lei a reh thiap a, I silhfen a lo lumzia te hi?
37:18 Ani chu van i kaih pharhpui thei em ni? Darthlalang chhun khal ang maia khauh chu?
37:19 A hnena ka sawi tur chu min hriattir rawh le. Thimna avangin kan sawi thiam loh hi.
37:20 Ka sawi dawn tih amah hrilh tur em ni? Mahni intihboral miin a chak ngai em ni?
37:21 Tunah, thli a lo thawh a, a chhem kianin Van zawla eng ropui chu miin an en ngam lo.
37:22 hmar atangin rangkachak eng a lo zam a, Pathian chu ropui ralthlak takin a inthuam a.
37:23 Engkimtitheia chu kan hmu chhuak thei lo a, Thiltihtheihna leh diknaah a ropui a, Felna a ngah a, a hnehchhiah lo ang.Chuvangin, miten amah an tih a, Intifingte chu tumah a pawisa chuang lo e.
37:24 Chuvangin, miten amah an tih a, Intifingte chu tumah a pawisa chuang lo e.