Job 38
38:1 Tin, LALPA chuan thawngaleivir atangin Joba chu a chhang a, heti hian a ti a:
38:2 Hriatna tel lo thua Thurawn tithimtu hi tu nge ni?
38:3 Mipa takin i puan veng la, Thu ka zawt ang chia, mi hrilh ang che.
38:4 Leilung nghahchhan ka phum lai khan khawiah nge i awm? I hriat thiam chuan sawi rawh.
38:5 A len lam bite tu nge thliah, i hre meuh maw? A nih leh, a chung awl tehna tu nge zam?
38:6 A nghahchhan chu khawiah nge a din ngheh a, Tunge a kil lung phum ni,
38:7 Varparh arsite an zai khawm a, Pathian fate zawng zawng an au lai khan?
38:8 Tuipui chu chhula a lo chhuah lai khan Tuin nge kawng lo khar hnan?
38:9 A silhfen atan chhum ka siam a, A tuam puanah thim chhah tak;
38:10 A chim chin turte ka siam a, A danna leh kharna tur te;
38:11 Heti thleng chauh hian lo kal la, pel hauh suh, Tah hian i fawn vel tawp rawh se,' ka ti a ni.
38:12 Lei khuna tikiang a, Mi suaksualte thing chhuak turin,
38:13 I pian achinah, zing hnenah, thu i pein, Khawfingchat hi ahmun tur i hriat tir ngai em?
38:14 Lei hi nemnaa hlum nem angin a tilang dang a, Silhfen ze hrang ang nukin a lang ta a.
38:15 Mi suaksualte eng chu chhuhsak ani a, An ban lek san chu tihtliah a ni.
38:16 Tuipui hnarahte i lut tawh ngai em? A thukzia te i fang chhuak tawh em ni?
38:17 Thihna kawngkate chu i hnenah tihlan a ni tawh em? Thihna daihlim kawngka chu i hmu tawh em ni?
38:18 Lei zauziate hi i hre phak em ni? I hriat vek chuan sawi rawh.
38:19 An ramri i hruai theih a, An in lam kawng chin i hriat theihna tur chuan,
38:20 Eng chena kawng chu khawiah nge? Thim pawh chu khawiah nge a hmun? I hria ang chu, chungah chuan i piang tawh a, I nite pawh a tam tawh alawm!
38:21 Vur dah khawlna hmunah i lut tawhin, Rial dah khawlna hmunah pawh i lut tawh em ni?
38:22 Buai hun atan te leh Indo leh inbeih ni atan ka khek chu a ni.
38:23 Eng kawngin nge eng hi a tai darh a, Chhak lam thli pawh hi lei chungah a intheh darh?
38:24 Tuin nge ruahpui tana luan kawr leh Tek tana kawng siam?
38:25 Tuma awm lohna leh mihring chen lohna Thlalera ruah surtir turte,
38:26 Ram ro leh pilril tihnawng tur te Hlobet hring totir tur tein?
38:27 Ruahin pa a nei em ni? Daifimte hi tu hrin nge?
38:28 Tu chhul atangin nge tuikhal hi a lo chhuah? Vana vur lo tla thin hi tu hrin nge?
38:29 Tuite pawh lung ang maiin a sak a, Tuipui thuk chungte a khal a.
38:30 Siruk khi i phuar khawm theiin Chhohreivung tlar khi i phelh darh thei em ni?
38:31 Arsite khi a hun biah i hruai chhuak thei em ni? Zangkhua hote khi i hruai thei em ni?
38:32 Van thil ruatte chu i hriain Leiah hian thu i neihtir thei em?
38:33 A nan tur chein chhum ata Ruahpi vanawn i au thla thei em ni?
38:34 Kawlphete chu i hnena lo kal a, Heta hi ka awm,' ti turin i tir chhuak thei em ni?
38:35 Tunge chhum dumahte khian finna dah a, Tunge arsi thlawkte hriat thiamna pe?
38:36 Tunge finnaa chhumte hi chiar thei a, Van tuithawl tu nge leih baw thei?
38:37 Vaivutte a inhlawm khawm a, Lei tlangte a inbelhbawm hi.
38:38 Sakeibaknei tan ei tur i zawnsakin Sakeibaknei vanglaite chak daih i pe thei em ni,
38:39 An pukahte an bawk a, Seh tur an chan lai hian?Choak hi, a note ei tur tlachham a, Pathian hnena an hram lai leh An vahvaih laiin, tuin nge chaw pe?
38:40 Choak hi, a note ei tur tlachham a, Pathian hnena an hram lai leh An vahvaih laiin, tuin nge chaw pe?