Library · my

Numbers 34

34:1 တစ်ဖန် ထာဝရဘုရား​က မောရှေ​အား 34:2 “​အစ္စရေး​အမျိုးသား​တို့​အား ဆင့်ဆို​လော့​။ သင်​တို့​သည် ခါနာန်​ပြည်​သို့​ရောက်​သောအခါ အမွေ​အဖြစ် သင်​တို့​ရရှိ​မည့် ခါနာန်​ပြည်​၏​နယ်မြေ​အပိုင်းအခြား​ကား ဤသို့​ဖြစ်​ရ​မည်​။ 34:3 တောင်ဘက်ခြမ်း​သည် ဧဒုံ​ပြည်​နယ်စပ်​တစ်လျှောက်​ရှိ ဇိန​တောကန္တာရ​မှ​စ​ရ​မည်​။ တောင်ဘက်​နယ်နိမိတ်​သည် အရှေ့ဘက်​တွင် ဆား​ပင်လယ် ​အစွန်း​မှ​စ​ရ​မည်​။ 34:4 ထိုမှ နယ်နိမိတ်​သည် အကရဗ္ဗိမ်​တောင်ကုန်း​၏​တောင်ဘက်​သို့​ကွေ့သွား​၍ ဇိန​တော​ကို​ဖြတ်​ပြီး ကာဒေရှဗာနာ​အရပ်​သို့​ရောက်​ရ​မည်​။ ထိုမှ တောင်ဘက် ဟာဇရဒ္ဒါ​အရပ်​သို့​ရောက်​၍ အာဇမုန်​အရပ်​ကို​ဖြတ်​ရ​မည်​။ 34:5 နယ်နိမိတ်​သည် အာဇမုန်​အရပ်​မှ အီဂျစ်​ချောင်း​သို့​ကွေ့သွား​၍ ပင်လယ်​၌ ဆုံး​ရ​မည်​။ 34:6 အနောက်ဘက်​နယ်နိမိတ်​သည် မြေထဲပင်လယ် ​နှင့်​ကမ်းရိုးတန်း​တို့​ဖြစ်​ရ​မည်​။ ဤသည်ကား သင်​တို့​အဖို့ အနောက်ဘက်​နယ်နိမိတ်​ဖြစ်​မည်​။ 34:7 မြောက်ဘက်​နယ်နိမိတ်​ကို မြေထဲပင်လယ်​မှ ဟောရ​တောင်​အထိ​၊ 34:8 ဟောရ​တောင်​မှ လီဘိုဟာမတ်​အရပ်​အထိ ပိုင်းခြား​၍ ထိုမှ နယ်နိမိတ်​သည် ဇေဒဒ်​အရပ်​အထိ​ရောက်​ရ​မည်​။ 34:9 ထိုမှ နယ်နိမိတ်​သည် ဇိဖြုန်​အထိ​ဆက်သွား​၍ ဟာဇရေနန်​၌ ဆုံး​ရ​မည်​။ ဤသည်ကား သင်​တို့​အဖို့ မြောက်ဘက်​နယ်နိမိတ်​ဖြစ်​မည်​။ 34:10 အရှေ့ဘက်​နယ်နိမိတ်​ကို ဟာဇရေနန်​မှ​ရှေဖံ​အထိ ပိုင်းခြား​ရ​မည်​။ 34:11 နယ်နိမိတ်​သည် ရှေဖံ​မှ အဣန​အရှေ့ဘက် ရိဗလ​တိုင်အောင် ဆင်းလာ​ရ​မည်​။ ထိုမှ နယ်နိမိတ်​သည် ဆက်သွား​၍ အရှေ့ဘက်​တွင်​ဂင်နေသရက်​အိုင်​စပ်​အထိ ရောက်​ရ​မည်​။ 34:12 ထိုမှ နယ်နိမိတ်​သည် ဂျော်ဒန်​မြစ်​တစ်လျှောက်​ဆက်သွား​၍ ဆား​ပင်လယ်​၌ ဆုံး​ရ​မည်​။ ဤသည်ကား သင်​တို့​ပြည်​၏​နယ်မြေ​အပိုင်းအခြား ဖြစ်​သည်​”​ဟု မိန့်​တော်မူ​၏​။ 34:13 မောရှေ​က​လည်း အစ္စရေး​အမျိုးသား​တို့​အား “​ဤသည်ကား အမျိုးအနွယ်​ကိုး​နွယ်​နှင့် အမျိုးအနွယ်​တစ်ဝက်​တို့​အား ပေး​မည်​ဟု ထာဝရဘုရား​မိန့်​တော်မူ​သည့်​အတိုင်း မဲ​ဖြင့်​ခွဲ​၍ သင်​တို့​အမွေဆက်ခံ​ရ​မည့်​မြေ​ဖြစ်​၏​။ 34:14 ရုဗင်​သားမြေး​တို့​၏​အမျိုးအနွယ်​သည် ဘိုးဘေး​တို့​၏​အိမ်ထောင်စု​အလိုက်​၊ ဂဒ်​သားမြေး​တို့​၏​အမျိုးအနွယ်​သည်​လည်း ဘိုးဘေး​တို့​၏​အိမ်ထောင်စု​အလိုက် သူ​တို့​၏​အမွေ​ကို ရ​ပြီး​ဖြစ်​၏​။ မနာရှေ​အမျိုးအနွယ်​တစ်ဝက်​သည်​လည်း သူ​တို့​၏​အမွေ​ကို ရ​ပြီး​ဖြစ်​၏​။ 34:15 ဤ​အမျိုးအနွယ်​နှစ်​နွယ်​နှင့် တစ်ဝက်​သည် ဂျေရိခေါ​မြို့​တစ်ဖက်​၊ ဂျော်ဒန်​မြစ်​အနီး​၊ အရှေ့ဘက်​နေထွက်​ရာ​အရပ်​တွင် အမွေ​ရ​ပြီး​ဖြစ်​၏​”​ဟု မိန့်မှာ​လေ​၏​။ 34:16 တစ်ဖန် ထာဝရဘုရား​က မောရှေ​အား 34:17 “​သင်​တို့​အတွက် အမွေ​မြေ​ကို ခွဲဝေပေး​မည့်​သူ​တို့​၏​အမည်​မှာ ယဇ်ပုရောဟိတ်​ဧလာဇာ​နှင့် နုန်​၏​သား​ယောရှု ဖြစ်​၏​။ 34:18 အမွေ​မြေ​ကို ခွဲဝေ​ပေး​ဖို့ အမျိုးအနွယ်​အသီးသီး​မှ ခေါင်းဆောင်​တစ်ဦးစီ​ကို​လည်း သင်​တို့ ခေါ်​ရ​မည်​။ 34:19 ထို​သူ​တို့​၏​အမည်​မှာ ယုဒ​အမျိုးအနွယ်​မှ ယေဖုန္နာ​၏​သား ကာလက်​၊ 34:20 ရှိမောင်​သားမြေး​တို့​၏​အမျိုးအနွယ်​မှ အမိဟုဒ်​၏​သား ရှေမွေလ​၊ 34:21 ဗင်္ယာမိန်​အမျိုးအနွယ်​မှ ခိသလုန်​၏​သား ဧလိဒဒ်​၊ 34:22 ဒန်​သားမြေး​တို့​၏​အမျိုးအနွယ်​ခေါင်းဆောင် ယောဂလိ​၏​သား ဗုက္ကိ​၊ 34:23 ယောသပ်​သားမြေး​တို့​တွင် မနာရှေ​သားမြေး​တို့​၏​အမျိုးအနွယ်​ခေါင်းဆောင် ဧဖုဒ်​၏​သား ဟံယေလ​၊ 34:24 ဧဖရိမ်​သားမြေး​တို့​၏​အမျိုးအနွယ်​ခေါင်းဆောင် ရှိဖတန်​၏​သား ကေမွေလ​၊ 34:25 ဇာဗုလုန်​သားမြေး​တို့​၏​အမျိုးအနွယ်​ခေါင်းဆောင် ပါနက်​၏​သား ဧလိဇာဖန်​၊ 34:26 ဣသခါ​သားမြေး​တို့​၏​အမျိုးအနွယ်​ခေါင်းဆောင် အဇ္ဇန်​၏​သား ပါလတေလ​၊ 34:27 အာရှာ​သားမြေး​တို့​၏​အမျိုးအနွယ်​ခေါင်းဆောင် ရှေလောမိ​၏​သား အဘိဟုဒ်​၊ 34:28 နဿလိ​သားမြေး​တို့​၏​အမျိုးအနွယ်​ခေါင်းဆောင် အမိဟုဒ်​၏​သား ပေဒဟေလ တို့​ဖြစ်​ကြ​၏​”​ဟု မိန့်​တော်မူ​၏​။ 34:29 ဤ​သူ​တို့​ကား ခါနာန်​ပြည်​၌ အစ္စရေး​အမျိုးသား​တို့​အား အမွေခွဲ​ပေး​ရန် ထာဝရဘုရား ခန့်ထား​တော်မူ​သော​သူ​များ​ဖြစ်​ကြ​၏​။