馬太福音 6
論施捨1 「你哋要小心,唔好喺人面前炫耀自己嘅宗教虔誠,故意俾人睇見。噉樣做嘅話,你哋就不能從天父處獲得賞賜。
2 你施捨時,唔好大事宣傳,好似個啲偽善嘅人喺會堂或街道上所做嘅,為要得到人嘅誇獎。我實在話你哋知,佢哋噉做已經得所能得到嘅報答咯。
3 所以,你施捨時,唔好使左手知右手所做嘅,
4 應該係一件隱密嘅事。噉樣,嗰位睇見你喺隱密中做事嘅天父必賞賜你。」
論禱告5 「你哋禱告時,唔好似偽善嘅人噉,喜歡企喺會堂或十字路口禱告,故意俾人睇見。我實在話你哋知,佢噉做已經得所能得到嘅報答咯。
6 你禱告時,要入你嘅房間,關上門,向喺隱密中嘅天父禱告。嗰位睇見你喺隱密中做事嘅天父必賞賜你。
7 你哋禱告時,唔好似異教徒,用好多重複、冇意義嘅話。佢哋以為說話多,上帝就會垂聽。
8 唔好似佢哋噉;喺你哋祈求以前,你哋嘅天父已經知道你哋所需要嘅。
9 所以,你哋禱告要噉話:我哋喺天上嘅父親:願人都尊你嘅名為聖;
10 願你嘅國降臨;願你嘅旨意行在地上,如同行在天上。
11 我哋日用嘅飲食今日賜俾我哋。
12 饒恕我哋對你嘅虧負,正如我哋饒恕咗虧負我哋嘅人。
13 唔好使我哋受艱難嘅考驗;救我哋脫離邪惡者嘅手。(因為國度、權柄、榮耀都屬你,直到永遠。阿們。)
14 你哋饒恕人嘅過錯,你哋嘅天父亦饒恕你哋嘅過錯;
15 你哋唔饒恕人哋嘅過錯,你哋嘅天父亦唔饒恕你哋嘅過錯。」
論禁食16 「你哋禁食時,唔好似偽善嘅人;佢哋裝出苦相,故意將面整得難睇,使人睇唔出佢哋正在禁食。我實在話你哋知,佢哋噉做已經得所能得到嘅賞賜。
17 你禁食時,要梳頭洗面,
18 唔好使人哋睇出你係禁食,只有你喺隱密中嘅天父知道;睇見你喺隱密中做事嘅天父必賞賜你。」
論天上嘅財寶19 「唔好為自己積聚財寶喺地上,因為有蟲蛀,亦會生銹,又有盜賊破門嚟偷。
20 要為自已積聚財實喺天上;嗰處冇蟲蛀,唔會生銹,亦冇盜賊入嚟偷。
21 你嘅財實喺邊處,你嘅心亦喺嗰處。」
身體嘅光22 「眼就係身體嘅燈。若你嘅眼好,全身就光明;
23 若你嘅眼壤,全身就黑暗。同樣,若你裏頭嘅光變成黑暗,嗰個黑暗係甚可怕呀!」
上帝同財物24 「冇人能伺候兩個主人。佢唔係厭惡呢個,喜愛嗰個,就係重視呢個,輕看嗰個。你哋唔可能同時做上帝嘅僕人,又做金錢嘅奴隸。
25 所以我話你哋知,唔好為生活上所需嘅飲食,或身上所着嘅衣服操心。唔通生命唔重要過飲食咩?身體唔重要過衣服咩?
26 你哋睇天空嘅飛鳥:佢哋唔耕種唔收割,亦唔會積存糧食喺倉裏,你哋嘅天父尚且飼養佢哋!你哋豈唔係比飛鳥更貴重咩?
27 你哋中又有邊個能用憂慮使壽命延長幾日呢?
28 點解為衣服操心呢?睇吓野地嘅百合花點樣生長:佢哋既唔工作又唔紡織;
29 但係我話你哋知,甚至所羅門王極榮華之時,佢嘅衣着亦比唔上一朵野花咁美麗。
30 野地嘅花草今日喺處,明日枯乾,被扔落火爐燒,上帝仍然噉樣打扮佢哋,何況你哋呢?你哋嘅信心太細咯!
31 所以,唔好為我哋食嘅、飲嘅,或着嘅操心,
32 呢啲係唔信嘅人所追求嘅。你哋嘅天父知道你哋需要嘅一切。
33 你哋要先求上帝嘅國,及佢嘅義,佢就會將呢一切都賜俾你哋。
34 所以,你哋唔好為明日憂慮,明日自有明日嘅憂慮;一日嘅艱難一日擔當就夠咯。」