Library · yue

馬太福音 8

耶穌醫好痲瘋病人

1 耶穌由山落嚟,成羣結隊嘅人跟住佢。

2 有一個痲瘋病人嚟拜佢,話:「主呀,只要你肯,你能使我潔淨。」

3 耶穌伸手摸佢,話:「我肯,你潔淨喇!」佢嘅痲瘋立刻消除潔淨。

4 於是耶穌對佢話: 唔好將此事話俾人知,要去見祭司,等佢幫你檢查,然後按照摩西嘅規定獻上祭物,向眾人證實你已經潔淨。」

耶穌醫好羅馬軍官嘅僕人

5 耶穌嚟到迦百農,有一個羅馬軍官嚟迎接佢,求佢幫助,話:

6 「主呀,我嘅僕人患癱瘓病,瞓喺屋企,非常痛苦。」

7 耶穌話:「我去醫治佢。」

8 軍官答話:「主呀,你親自到舍下嚟,我唔敢當;只要你吩咐一聲,我嘅僕人就必好返。

9 如我在上有指揮我嘅長官,在下有受我指揮嘅兵士;我命令呢個去,佢就去,命令嗰個嚟,佢就嚟,對我嘅奴僕話『做呢件事』佢就去做。」

10 耶穌聽見呢啲話,非常詫異,對跟從佢嘅人話:「我實在話你哋知,好似噉嘅信心,我喺以色列人中,從未見過。

11 我話你哋知,將有好多人由東由西嚟,同亞伯拉罕、以撒、雅各一齊喺天國坐席。

12 嗰哋本來可以成為天國子民嘅人,反而將被趕到外面黑暗處;喺嗰處,佢哋必哀哭,咬牙切齒。」

13 然後耶穌向軍官話:「你回家喇,照你嘅信心成全俾你!」佢僕人嘅病就喺嗰陣時完全好返。

耶穌醫好好多病人

14 耶穌嚟到彼得家中,睇見佢岳母正發高燒,瞓喺床。

15 耶穌一摸佢嘅手,熱就退去,佢立刻起身服事耶穌。

16 傍晚時,有人帶好多被鬼迷嘅人嚟見耶穌。耶穌只用一句話就將鬼趕出,又醫好所有嘅病人?

17 佢噉樣做,正應驗先知以賽亞所講嘅:「佢除去我哋嘅軟弱,擔當我哋嘅疾病。」

要跟從耶穌嘅人

18 耶穌睇見好多人圍住佢,就吩咐門徒渡湖去對岸。

19 有一個經學教師嚟見佢,對佢話:「老師,你無論去邊處,我都要跟從你。」

20 耶穌話:「狐狸有洞,飛鳥有巢,但人子連枕頭嘅地方都冇。」

21 又有個門徒對耶穌話:「主呀,請准我先去埋葬父親。」

22 耶穌話:「你跟從我喇,由得死人去埋葬佢哋嘅死人!」

耶穌平息風浪

23 耶穌上船,佢嘅門徒跟住佢。

24 突然,湖上打起大風致到隻船被波浪遮蔽,但係耶穌瞓着咗。

25 門徒到佢面前,叫醒佢,話:「主呀,救命,我哋就快冇命喇!」

26 耶穌答話:「點解咁冇膽呢?你哋嘅信心太細咯!」於是起身,斥責風同浪,風浪就平靜。

27 眾人非常驚奇,彼此話:「此人究竟係邊個,連風同浪都聽從佢!」

醫好兩個被鬼迷嘅人

28 耶穌嚟到湖對岸嘅加大拉地區,遇見兩個由墳墓出嚟嘅人。呢兩個人被鬼迷,十分兇狠,因此冇人敢走呢條路。

29 佢哋睇見耶穌,即刻叫話:「上帝之子,你點解要干擾我哋?你要提早嚟折磨我哋咩?」

30 附近有一大羣豬喺處食緊嘢。

31 鬼求耶穌話:「若你要趕我哋出去,就打發我哋入豬羣裏喇。」

32 耶穌話:「去喇!」鬼就出嚟,入去豬羣;成羣豬衝落山坡,跳落湖裏,浸死。

33 看豬嘅人走返入城,將呢件事嘅始末同被鬼迷嘅人所遭遇嘅向眾人報告。

34 全城嘅人都出嚟睇耶穌,一見到佢,就求佢離開佢哋嘅地區。