馬可福音 8
俾四千人食飽1 過冇耐,另外一大班人聚集一齊,佢哋冇嘢食;耶穌叫門徒嚟,對佢哋話:
2 「我真係為呢一班人擔心;因為佢哋同我喺呢處已經三日,現今冇嘢可食。
3 若我使佢哋肚餓返屋企,佢哋會喺路上暈倒,因為佢哋有啲係由遠處嚟嘅。」
4 門徒就問佢:「喺呢啲偏僻嘅地方,我哋由邊處搵足夠嘅食物俾咁多人食飽呢?」
5 耶穌問佢哋:「你哋有幾多餅?」佢哋回答:「七個。」
6 耶穌吩咐羣眾坐喺地,然後拎起嗰七個餅,感謝上帝,擘開,遞俾門徒,門徒就分俾眾人。
7 佢哋重有幾條魚仔;耶穌獻上感謝,吩咐門徒亦分俾眾人。
8 眾人都食,而且食飽;人數約有四千。門徒收拾食剩嘅零碎,共裝滿七籃。耶穌就散開羣眾,
9 拼於上節
10 立刻同門徒上船去大瑪努他地區。
法利賽人要求神蹟11 法利賽人嚟見耶穌,同佢辯論。想陷害佢,要求佢顯個神蹟,證明佢所做嘅係出於上帝。
12 耶穌心中歎息,話:「此時代嘅人點解要求神蹟呢?我實在話你哋知,此世代嘅人係唔配睇神蹟嘅!」
13 佢就離開佢哋,又上船過到對面岸。
法利賽人同希律嘅酵14 門徒忘記帶餅,船上只有一個餅,冇其他嘅食物。耶穌警告佢哋:
15 「要謹慎,防備法利賽人嘅酵同希律嘅酵。」
16 佢哋彼此議論話:「佢講呢啲話係因為我哋冇餅。」
17 耶穌知道佢哋講乜嘢,就問佢哋:「你哋點解討論冇餅呢件事呢?唔通你哋重唔領悟,重明白咩?你哋嘅頭腦係咁笨咩?
18 你哋有眼睇唔見咩?有耳聽唔到咩?你哋唔記得
19 我擘開五個餅俾五千人食呢件事咩?你哋將食剩嘅零碎裝滿幾多籃呢?」佢哋答話:「十二籃。」
20 耶穌又問:「我擘開七個餅俾四千人食,你哋又裝滿幾多籃嘅零碎呢?」佢哋答話:「七籃。」
21 於是耶穌問佢哋:「噉樣,你哋重唔明白咩?」
醫好伯賽大嘅盲人22 佢哋嚟到伯賽大,有人帶一個盲人到耶穌面前,要求耶穌摸佢。
23 耶穌拉住盲人嘅手,帶佢去村外,先吐口水喺佢嘅眼上,然後按手喺佢身上,問佢話:「你睇唔睇到嘢呢?」
24 佢抬起頭嚟睇,話:「我睇到人,佢哋好似樹木,行來行去。」
25 耶穌又將手放喺佢嘅眼上。呢次盲人用力一睇,視力完全恢復,每一樣嘢都睇得清楚。
26 耶穌叫佢返屋企,又吩咐佢話:「唔好再入嗰條村。」
彼得認耶穌係基督27 耶穌同門徒去該撒利亞腓立比附近嘅村鄉。喺路上,問佢哋:「一般人話我係邊個?」
28 佢哋答話:「有啲話你係施洗約翰;有啲話你係以利亞;亦有啲話你係先知中嘅一位。」
29 耶穌又問佢哋:「你哋呢?你哋話我係邊個?」彼得答話:「你係基督。」
30 於是,耶穌吩咐佢哋千祈唔好將佢嘅身份話俾任何人知。
預言佢嘅受難同死31 耶穌開始教導門徒話:「人子必須受好多苦難,被長老、祭司長,同經學教師丟棄,而且被殺,過三日復生。」
32 佢將呢啲事講得好清楚。彼得就將耶穌拉埋一邊,勸阻佢。
33 耶穌轉過身,望住門徒,責備彼得話:「撒但,走開!你所諗嘅唔係上帝嘅諗法,而係人嘅諗法。」
34 於是,耶穌叫羣眾同門徒到佢面前,話佢哋知:「凡人想跟從我嘅,就要捨棄自己,孭起佢嘅十字架嚟跟從我。
35 因為凡想救自己生命嘅,就喪失生命;凡為我同福音喪失生命嘅,就得到生命。
36 人若贏得全世界,而失咗自己嘅生命,有乜益呢?
37 佢能拎乜嘢嚟換返自己嘅生命呢?
38 喺此淫亂邪惡嘅時代裏,若有人將我同我嘅教訓當做羞恥嘅,人子喺佢父嘅榮耀裏,同佢嘅聖天使一齊嚟時,亦要當佢係羞恥。」