約翰福音 7
耶穌同佢嘅兄弟1 事後,耶穌周遊加利利省一帶,唔願意喺猶太地區來往,因為猶太人想殺佢。
2 猶太人嘅住棚節快到,
3 所以耶穌嘅兄弟對耶穌話:「你不如離開呢處去猶太,等你嘅門徒能睇見你所行嘅奇事。
4 人要出名,不能暗中行事。你既然能行呢啲奇事,就應該喺世人,面前表現出嚟!」
5 〈原來連佢嘅兄弟都唔信佢。〉
6 耶穌對佢哋話:「我嘅時機重未成熟;但你哋隨時都方便。
7 世人唔會恨你哋,但會憎恨我,因為我時常指證佢哋嘅行為係邪惡嘅。
8 你哋自己去過節喇,我現今唔上去,因為我嘅時機仍未成熟。」
9 耶穌對佢哋講完呢啲話之後仍然留喺加利利。
耶穌過住棚節10 耶穌嘅兄弟走咗之後,耶穌亦上去過節。佢唔係公開噉去,係秘密去嘅。
11 節期中,猶太人到處搵耶穌,想知道佢喺邊處。
12 人羣對佢議論紛紛,有啲話:「佢係個好人。」有啲話:「唔係,佢喺處煽動羣眾。」
13 但係眾人都唔敢公開講論佢嘅事,因為怕猶太人。
14 節期到一半,耶穌就上聖殿教導人。
15 猶太人都好詫異,話:此人未受過教育,點會咁有學問呢?」
16 耶穌話:「我所教導嘅,唔係我自己嘅,係出於嗰位打發我嚟嘅。
17 一個人若決心要實行上帝嘅旨意,就會知道我嘅教訓係出於上帝嘅旨意,抑或係憑住我自己講嘅。
18 憑住自己講嘅,係想尋求自己嘅榮耀;但係尋求打發佢嚟嗰位嘅榮耀嘅,致係真實無偽嘅。
19 摩西唔係將律法頒佈俾你哋咩?但係你哋冇一人遵守律法。你哋點解想殺我呢?」
20 羣眾答話:「你係被鬼迷嘅,邊個想殺你?」」
21 耶穌話:「我喺安息日做一件大事,你哋都以為出奇。
22 但係摩西吩咐你哋行割禮〈其實割禮唔係從摩西,係從你哋嘅祖宗開始嘅〉,你哋就喺安息日為嬰兒行割禮。
23 若人喺安息日行割禮,目的係維護摩西嘅律法,噉樣,我喺安息日使一個人完全恢復健康,你哋又點解責怪我呢?
24 唔好根據外表斷定是非,要按照公正嚟判斷。」
佢係唔係基督25 有啲耶路撒冷人話:「此人唔係佢哋想殺嘅咩?
26 你睇,佢公開講話,意冇人出嚟反對佢!唔通我哋嘅領袖真係知道佢係基督咩?
27 但係基督出現時,冇人會知道佢從邊處嚟,但此人嘅來歷我哋都好清楚。」
28 當時,耶穌喺聖殿裏教導人,佢大聲話:「你哋真係認識我,又知道我從邊處嚟咩?我嚟,並唔係憑自己嘅意思。打發我嚟嗰位係真實嘅。你哋唔認識佢,」
29 但我認識佢;因為我從佢處嚟,係佢打發我嘅。」
30 於是,佢哋想捉佢,但係冇人落手,因為佢嘅時候重未到。
31 羣眾中亦有好多人信佢;佢哋話:「基督嚟時,佢行神蹟會多過此人咩?」
警衛捉拿耶穌32 法利賽人聽見羣眾紛紛議論耶穌嘅事,佢哋同祭司長就派警衛去捉耶穌。
33 耶穌話:「我重有啲時間同你哋一齊,然後要返去打發我嚟嗰位處。
34 你哋將搵我,但係搵唔到;因為我要去嘅地方,你哋不能去。」
35 嗰啲猶太人彼此對問話:「佢想去邊處,使我哋拉搵唔到呢?唔通佢去散居喺希臘城市嘅猶太僑民處,去教導希臘人咩?
36 佢話『你哋將搵我,但係搵唔到』同 『我要去嘅地方,你哋不能去』係乜嘢意思呢? 」
活水嘅河流37 節期最後一日係最隆重嘅一日。耶穌企起,大聲話:「人若口渴,可以到我處嚟飲。
38 聖經話:『信我嘅人有活水嘅河流從佢心中湧流出。』﹝或譯:人若口渴,可以到我處;人若信我,就應該嚟飲。﹞聖經話:『有活水嘅河流從佢心中湧流出。』」
39 耶穌呢啲話係指信佢嘅人將接受聖靈而講嘅。嗰時聖靈重未降臨,因為耶穌重未得到榮耀。
羣眾因耶穌紛爭40 羣眾中有好多聽見呢啲,就話:「此人確實係嗰位先知!」
41 亦有人話:「佢係基督!」另有人話:「基督點會嚟自加利利呢!
42 因為聖經記載基督係大衛嘅後代,降生喺大衛嘅本鄉伯利恆。」
43 於是羣眾因佢就紛爭起嚟。
44 其中有人想捉佢,但係冇人落手。
猶太人嘅領袖唔信耶穌45 警衛返去見祭司長同法利賽人;佢哋問:「點解未將佢帶嚟呢?」
46 警衛答話:「從來冇人好似佢噉樣講話嘅!」
47 法利賽人話:「你哋亦受佢愚弄咩?
48 唔通我哋嘅領袖或法利賽人有信佢嘅?
49 呢啲唔明白摩西律法嘅愚蠢百姓係應該受咒詛嘅!」
50 佢哋中有尼哥底母;佢以前去見過耶穌。佢警告佢哋話:
51 「我哋嘅律法容許喺未聽口供或者查明真相之前定人嘅罪咩?」
52 佢哋話:「唔通你都係加利利人咩?你去查考聖經,就知道加利利冇出過先知。」