使徒行傳 18
喺哥林多1 此後,保羅離開雅典,嚟到哥林多。
2 佢喺嗰處遇見一個喺本都出生嘅猶太人,名叫亞居拉,新近同埋佢妻百基拉從意大利嚟,因為皇帝革老丟命令所有嘅猶太人離開羅馬。保羅去睇佢哋,
3 留落嚟同佢哋一齊工作;因為保羅一向靠製造帳棚維持生活,同佢哋係同業。
4 每逢安息日,保羅都去會堂,同人辯論,勸導猶太人同希臘人相信。
5 西拉同提摩太從馬其頓嚟到時,保羅就用全部時間傳講信息,向猶太人見證耶穌係基督。
6 但係,當佢哋反對佢、毀謗佢時,佢就拍甩衣服上嘅灰塵,對佢哋話:「你哋若滅亡,罪不在我,你哋自己負責!從今以後,我要到異邦人嗰處。」
7 於是保羅離開佢哋,去住喺一個敬畏上帝、名叫提多猶士都家中,佢嘅家靠近會堂。
8 會堂嘅主管基利司布同全家都信主;重有好多哥林多人聽見信息亦相信,並接受洗禮。
9 晚上,保羅得一個異象。主喺異象中對佢話:「你唔使怕,只管講,唔好閉口,
10 有我與你同在,冇人能傷害你,而且呢個城裏有好多我嘅子民。」
11 保羅就喺嗰處住咗一年半,用上帝嘅道教導佢哋。
12 當迦流出任亞該亞總督時,猶太人集合起來攻擊保羅,將佢拉上法庭,
13 控告佢話:「此人教人用唔合法嘅方式敬拜上帝!」
14 保羅剛要開口,迦流對猶太人話:「若呢件係冤枉或犯法嘅事,我當然要耐性聽你哋;
15 既然所爭論嘅係你哋律法上嘅一啲字眼名詞,你哋自己去解決喇。我唔願意審判噉嘅事!」
16 於是將佢哋趕出法庭。
17 眾人就捉住會堂嘅主管所提尼,喺庭前毆打佢。此事迦流亦唔過問。
保羅返回安提阿18 保羅喺哥林多同兄弟住咗好多日,然後離開佢哋,同百基拉及亞居拉一齊坐船去敘利亞。起程以前,佢喺堅革哩將頭髮剪去,因為佢曾許下一個願。
19 佢哋到咗以弗所,保羅就向百基拉同亞居拉告別。去會堂同猶太人辯論。
20 眾人請佢留落嚟多住幾日,但保羅唔答應。
21 臨別時,佢對佢哋話:「若係上帝嘅旨意,我會再返到你哋處。」於是保羅又從以弗所上船。
22 保羅一到該撒利亞,就上耶路撒冷探望教會,然後去安提阿,
23 喺嗰處住咗好幾日致走。佢走遍加拉太同弗呂家一帶,到處堅固信徒嘅信心。
亞波羅喺以弗所同哥林多24 有一個猶太人名叫亞波羅,嚟到以弗所。佢生喺亞力山太,係一個有學問嘅人,對聖經有非常豐富嘅知識。
25 佢喺主指示嘅道路上,已經受過相當嘅訓練,而且心中火熱,成日將耶穌嘅事詳細向人講解。但佢只知道約翰嘅洗禮。
26 亞波羅開始喺會堂裏大膽講論;百基拉同亞居拉聽到,就請佢到家中,更加準確將上帝嘅道向佢解釋。
27 後來亞波羅決定到亞該亞,以弗所嘅兄弟就幫助佢,寫信俾亞該亞嘅兄弟,請佢哋接待佢。佢到嗰處,對嗰啲蒙恩信主嘅人大有幫助。
28 佢屢次喺公開嘅辯論中有力駁倒猶太人,根據聖經證明耶穌係基督。