使徒行傳 26
保羅喺亞基帕王面前自辯1 亞基帕對保羅話:「准你為自己申辯。」保羅就伸手為自己申辯:
2 「亞基帕王呀,我今日能喺你面前,為猶太人控告我嘅一切事申辯,實在覺得萬幸!
3 更可幸嘅係你對猶太人嘅規同爭論嘅問題都好熟悉。因此,我求你耐心聽我嘅申訴。
4 我自幼至今係點樣嘅人,猶太人都知嘅。有生以來我就生活喺本國人民中,居住喺耶路撒冷。
5 佢哋若肯為我作證,佢哋知我從起初就屬於我哋宗教中最嚴緊嘅法利賽派。
6 現今我企喺呢處受審,係指望上帝向我哋祖先所應許嘅。
7 此應許係我哋十二支派嘅全體同胞,日夜敬拜上帝盼望得到嘅。王呀,因為此盼望,我被猶太人控告!
8 但係,點解你哋呢啲猶太人唔相信上帝使死人復生係一件可能嘅事呢?
9 我以前亦相信應該盡力反對拿撒人耶穌。
10 我喺耶路撒冷就噉樣做。我從祭司長得到權柄,將好多聖徒押落監;不但噉樣,佢哋被判處死刑,我亦贊成。
11 此外,我喺各會堂多次對佢哋用刑,強迫佢哋放棄信仰。我非常厭恨佢哋,甚至到國外嘅城市去迫害佢哋。」
保羅敘述歸主經過12 「有一次,我領受祭司長俾我嘅權柄同命令去大馬色。
13 王呀,約正午時,我喺路上睇見一道光,比日頭重要光,從天空照射喺我共同行嘅人周圍。
14 我哋都仆倒地上。我聽見一個聲音,用希伯來語對我話:『掃羅,掃羅!你點解迫害我?你用腳嚟踢刺,反而傷害自己。』
15 我就問:『主呀,你係邊個?』主話:『我係你所迫害嘅耶穌。
16 起身,企喺處。我向你顯現,係要指派你做我嘅僕人。你要見證今日睇見有關於我及將來我要指示你嘅事。
17 我要從以色列人同異邦人手中救你出嚟,打發你去佢哋中間。
18 你要開啟佢哋嘅眼,使佢哋從黑暗轉向光明,從撒但權勢歸后上帝,使佢哋因相信我而蒙赦罪,並且喺上帝嘅選民中有佢哋嘅地位。』」
保羅敘述佢嘅工作19 「因此,亞基帕王呀,我冇違背由天上嚟嘅異象。
20 我先喺大馬色同耶路撒冷,然後喺全猶太同異邦人中勸勉佢哋必須悔改,歸向上帝,所作所為要符合佢哋悔改嘅心志。
21 為此緣故,當我喺聖殿裏時,猶太人捉住我,想殺我。
22 但係,直到今日,我蒙上帝幫助,能企喺呢處,向所有高貴同低微嘅人作證。我所講嘅亦係先知同摩西所講必要發生嘅事,
23 就係基督必須受害,並且首先從死者中復生,向猶太人同異邦人宣佈拯救嘅亮光已經臨到。」
24 保羅噉樣為自己申辯;非斯都大聲對佢話:「保羅,你癲咗咩;你嘅學問太多使你神經失常咩!」
25 保羅話:「非斯都大人!我並冇發癲;我所講嘅話係真實無偽嘅。
26 王亦知道此事,所以我對王大膽直言;相信每一件事王都注意到,因為此事係人人都知道嘅。
27 亞基帕王呀,你信唔信先知呢?我知道你係相信嘅!」
28 亞基帕對保羅話:「你想稍微勸誘就會使我做基督徒咩?」
29 保羅答話:「遲早,我向上帝所求嘅係你同所有今日喺呢處聽我嘅人,都會好似我噉樣,但係唔會好似我被綁住!」
30 於是王、總督、百尼基,同其他嘅人起身。
31 佢哋退出之後,彼此話:「此人並冇犯乜嘢該死或該囚禁嘅罪。」
32 亞基帕對非斯都話:「倘若此人冇上訴皇上就可以釋放佢。」