使徒行傳 27
保羅坐船去羅馬1 既然決定要我哋從水路去義大利,佢哋就將保羅同其他囚犯交俾「御營」嘅羅馬軍官猶流。
2 我哋就搭一隻由亞大米田嚟嘅船;呢隻船就要開行,去亞西亞省嘅幾個港口。有馬其頓嘅帖撒羅尼迦人,亞里達古,與我哋同行。
3 第二日到西頓,猶流寬待保羅,准佢去搵朋友,受朋友招待。
4 我哋又從嗰處開行,遇到逆風,船就靠居比路背風嘅一面航行。
5 我哋渡過基利家,旁非利亞一帶海面,到呂家嘅每拉。
6 喺嗰處,猶流遇見一隻從亞力山太嚟嘅船,要開去義大利,便叫我哋上船。
7 一連好幾日,船行得好慢,幾經艱難致開到革尼土鎮對面。因為風嘅攔阻,我哋不能繼續照原來嘅方向前行,就貼住革哩底島背風嘅一面航行,由撒摩尼角過去。
8 我哋沿岸前進,費盡氣力致到達距離拉西亞城冇幾遠嘅一個「佳澳」港。
9 我哋耽誤好耐,已經過禁食物嘅節期,唔適合繼續航行,於是保羅勸眾人。
10 話:「各位,我睇從呢處繼續航行係好危險嘅;不但貨物同船將受損壞,連我哋嘅生命亦難保。」
11 但係,軍官相信船長同船主嘅話,多過相信保羅所講。
12 呢個港口亦唔係過冬嘅理想地;因此大多數人贊成開船,盡可能趕到非尼基過冬。非尼基係革哩底島嘅一個港口,朝向西南同西北。
海上風暴13 當時,有一陣輕輕嘅南風吹嚟,眾人以為可照原定計劃航行,就起錨開船,貼近革哩底島行。
14 冇幾耐,有一種猛烈嘅東北風由島上撲過嚟。
15 船被風襲擊,擋唔住,我哋無法可施,任由颶風將船飄來飄去。
16 船貼近一個小島背風嘅一面航行;嗰個島叫高大。我哋好艱難致保住嗰隻救生艇。
17 水手將佢拖上大船,用纜綁住。佢哋又怕船撞喺賽耳底嘅沙洲上,將帆降下,任船隨風飄流。
18 風暴繼續襲擊,第二日,佢哋開始將貨物拋入海,
19 再過一日,連船上嘅器具亦都扔去。
20 好多日我哋都唔見日頭同星辰;風浪繼續催逼,我哋終於放棄得救嘅希望。
21 船上嘅人已有好多日冇食嘢,保羅企喺佢哋面前話:「各位,你哋若係早聽我嘅話,唔從革哩底島開船,就不致遭受呢一切損失。
22 現今我勸你哋放心,你哋中唔會有人喪失性命,只係會損失呢隻船。
23 因為我所屬、所敬拜嘅上帝,昨夜打發佢嘅天使對我話:
24 『保羅,唔使怕!你必企喺皇帝面前。而且,由於上帝嘅慈愛,佢已經定意守所有與你同船嘅人嘅性命。』
25 所以,各位可以放心;我相信上帝必實現佢對我講嘅話。
26 不過我哋會飄到一個島上。」
27 到咗第十四日嗰晚,我哋嘅船仍然喺亞底亞海飄來飄去。到半夜,水手以為我哋已靠近陸地,
28 就拋測繩探測水嘅深淺,得四十公尺;過冇耐再探,得三十公尺。
29 佢哋怕船觸暗礁,就從船尾拋落四個錨,盼望天光。
30 水手想離船逃走,就將救生艇吊落海,假裝要從船頭拋錨。
31 保羅對軍官同兵士話:「呢啲人唔留喺船上,你哋就不能得救。」
32 兵士就斬繼救生艇嘅繩,由得隻救生艇飄去。
33 天快光時,保羅勸眾人食嘢。話:「你哋觀望忍餓唔食嘢,已經有十四日咯。
34 現今我勸你哋食啲嘢,致能支持落去,因為你哋每人連一條頭髮都不至於損失呀。」
35 講完呢啲話,保羅就拎餅,喺眾人面前向上帝獻上感謝,然後擘開嚟食。
36 於是眾人都放心去食。
37 我哋在船上嘅共有兩百七十六人。
38 眾人食飽後,為減輕船嘅載重,就將船上嘅麥拋落海。
船擱淺咗39 到天光,水手唔認識嗰處,但係發現一個海灣,而且有沙灘,就決定諗辦法將船駛上去。
40 佢哋先斬斷船纜,將錨丟落海,同時鬆開舵繩,拉起船頭嘅帆,等風將船推向岸。
41 但係,船因衝到沙洲擱淺,船頭膠往,不能轉動,船尾被大浪猛力衝擊,破損不堪。
42 兵士想殺嗰啲囚犯,避免有人潛水逃脫。
43 但係軍官要救保羅,唔准佢哋妄動,於是下令會游水嘅先跳落水,游上岸;
44 其餘嘅人利用木板同船上嘅斷木上岸。噉樣,眾人都獲救上岸。