Library · yue

哥林多後書 10

保羅為工作辯護

1 我-保羅親自勸勉你哋。你哋認為我同你哋喺一齊時好謙和,當分開時好嚴厲;現今我以基督嘅溫柔同慈祥求你哋:

2 當我去時,請唔好逼我對你哋唔客氣。對於嗰啲批評我哋係憑屬世嘅動機做事嘅人,我係唔會客氣嘅。

3 我哋固然喺此世上生活,但我哋嘅爭鬥並唔係出於屬世嘅動機。

4 我哋打仗嘅武器唔係屬世嘅,係上帝大能嘅武器,能摧毁堅固嘅堡壘。攻破一切荒謬嘅辯論,

5 推倒嗰啲阻礙人認識上帝每一種高傲嘅言論。我哋要爭取每個人嘅思想嚟歸順基督。

6 等你哋完全順服時,我哋就懲罰嗰啲唔順服嘅人。

7 你哋係從外表嚟睇事物。若有人認為自己係屬基督嘅,佢應該再諗一諗,佢屬於基督,我哋亦一樣屬於基督。

8 主賜俾我哋嘅職權係要造就你哋,唔係要摧毁你哋;所以,即使我有啲過份誇耀此職權,我亦不以為恥。

9 你哋唔好以為我寫此信係想嚇你哋。

10 有人話:「保羅嘅書信,既嚴勵又強硬,但佢本人顯得懦弱無能,言語粗俗!」

11 講此話嘅人應該知道,我哋唔喺你哋處時,喺信上所講嘅話,同到你哋處時所要做嘅係一致嘅。

12 我哋當然唔敢同嗰啲自命不凡嘅人同列相比。佢哋實係糊塗,用自己嘅尺度衡量自己,自己同自己比較!

13 至於我哋,我哋嘅誇口唔會超過限度,係喺上帝劃定俾我哋嘅範圍裏;此範圍亦包括喺你哋中嘅工作。

14 既然你哋喺此範圍裏,我哋將基督嘅福音傳俾你哋,就唔算越過界限。

15 對於喺我哋範圍以外、別人做完嘅工作,我哋唔敢誇口。我哋只希望你哋嘅信心增長,使我哋能喺上帝劃定嘅範圍內繼續擴展喺你哋中嘅工作。

16 等我哋可以將福音傳到你哋以外嘅其他地區,而唔使誇別人所完成嘅工作。

17 好似聖經所講:「誇口嘅,就應該誇主嘅作為!」

18 因為,真正值得稱讚嘅係主所稱讚嘅人,唔係自吹自讚嘅人。