加拉太書 5
基督徒嘅自由1 為使我哋得自由,基督已經釋放我哋。所以,你哋要企穩,唔好再俾奴隸嘅軛控制你哋!
2 我保羅鄭重話你哋知,若你哋接受割禮,基督對你哋就一啲益處都冇。
3 現今我再次警告你哋,任何一個接受割禮嘅人必要遵守全部嘅律法!
4 想倚靠遵守律法而稱義嘅人就係同基督切斷關係,自己與上帝嘅恩典隔絕。
5 我哋熱切盼望嘅,係上帝使我哋稱義;係藉聖靈嘅力量由我哋嘅信心達成嘅。
6 因為,當我哋喺基督耶穌生命裏時,受割禮或唔受割禮都冇乜嘢關係,惟有愛嘅行動表現出嚟嘅信心致係重要。
7 你哋一向都表現得甚好!係邊個阻住你哋,使你哋唔再服從真理呢?
8 當然唔會係嗰位召你哋嘅上帝。
9 俗語話:「一啲多酵可以使全團嘅麵發起嚟。」
10 但我仍然信任你哋;因為我哋同喺主嘅生命裏,我深信你哋必不至於同我有唔同嘅見解。只係嗰啲擾亂你哋嘅,無論係邊個,將愛上帝嘅懲罰!
11 兄弟呀,若我繼續宣傳割禮,點解仍受迫害呢?我噉樣做,即使傳基督嘅十字架亦不至於成為佢哋嘅障礙。
12 但希望嗰啲擾亂你哋嘅人自己去閹割!
13 兄弟呀,上帝選召你哋,要你哋成為自由人。唔好用此自由當做放緃情慾嘅藉口,應該用受心互相服事。
14 因為全部律法都綜合喺「愛人如己」呢一條命令裏。
15 要小心!若你哋好似禽獸一樣相咬相吞,你哋必同歸於盡!
聖靈同人嘅本性16 我強調話:你哋要順從聖靈嘅引導,唔好滿足自己本性嘅慾望。
17 因為本性嘅慾望同聖靈互相敵視,彼此對立,使你哋不能做自己所願意做嘅。
18 但係,若聖靈引導你哋,你哋就唔受律法嘅拘束。
19 人本性嘅慾望係顯而易見嘅;表現喺淫亂、穢行、邪蕩、
20 偶像崇拜、巫術、仇恨、爭鬥、忌恨、惱怒、自私、分派、結黨、
21 嫉妒、醉酒、狂歡宴樂,同其他類似嘅事。我從前警告過你哋,現今又警告你哋:做呢種事嘅人必不能成為上帝國嘅子民!
22 聖靈結嘅果,係:仁愛、喜樂、和平、忍耐、仁慈、良善、忠信、
23 溫柔、節制。此事係冇任何律法可以禁止嘅。
24 屬於基督耶穌嘅人已經將佢哋本性嘅一切邪情慾望釘死喺十字架上。
25 我哋既然依聖靈賜得新生命,就當依聖靈引導行事。
26 我哋唔好驕傲,彼此激嬲,互相嫉妒。