以弗所書 3
保羅為異邦人工作1 因此,我為異邦人,做基督耶穌囚犯嘅保羅,替你哋向上帝祈求。
2 你哋必知道,為你哋嘅好處,上帝賜恩典,將一項職務託付俾我。
3 佢啟示我,使我知佢嘅奧祕。(我已經簡單噉將此奧祕寫落;
4 你哋讀咗就會知我對基督嘅奧祕所領悟嘅係乜嘢。)
5 以往,上帝冇向任何人啟示上此奧祕,現今佢透過聖靈向佢嘅聖使徒同先知啟示。
6 此奧祕嘅內容係:透過福音,異邦人能同猶太人分享上帝嘅福。佢哋係同一身嘅肢體,並且分享上帝透過喺基督耶穌裏實現咗嘅應許。
7 由於上帝特別嘅恩賜,我做此福音嘅僕人;係照佢運行嘅大能力賜俾我嘅。
8 雖然我係眾聖徒中最微不足道嘅,我竟然蒙上帝賜我特權,能將基督無限豐富嘅福音傳俾異邦人,
9 使全人類知道上帝點樣實行佢奧祕嘅計劃。以往嘅世代,萬物嘅創造主-上帝將此奧祕隱藏,
10 目的係在現今嘅世代,透過教會,使天上執政嘅、掌權嘅,都能知道上帝各樣嘅智慧。
11 上帝噉樣做係根據佢永恆嘅旨意;此旨意已經喺我哋嘅主基督耶穌身上實現。
12 透過基督,信靠佢,我哋能坦然無懼嚟到上帝面前。
13 所以,我求你哋,唔好因我為你哋受苦難而灰心,反而以此為榮。
基督嘅愛14 因此,我喺天父面前屈膝。
15 天上地下嘅萬族都係由佢而有嘅。
16 我求上帝,依照佢榮耀嘅豐富,透過聖靈賜你哋力量,使你哋嘅新生命強壯起嚟。
17 我又求基督,透過你哋嘅信心,住喺你哋心裏,使你哋喺佢嘅愛中有根有基,
18 使你哋能同所有上帝嘅子民一齊體會基督嘅愛係何等長闊高深。
19 願你哋能體會基督超越知識所能領悟嘅愛,使你哋能完全為上帝嘅完美所充滿。
20 上帝能照運行喺我哋中嘅能力成就一切,遠超過我哋所求所想嘅!
21 願佢透過基督耶穌,喺教會中得到頌讚,世世無窮!啊們。