以弗所書 4
教會嘅合一1 所以,我勸你哋-我係因事奉主而被囚嘅-行事為人應該符合上帝呼召你哋時所立嘅標準。
2 你哋要謙虛、溫柔、忍耐,用愛心互相寬容,
3 用和平彼此聯繫,盡力保持聖靈所賜合一嘅心。
4 我哋同有一位聖靈,都係同一個身嘅肢體,好似上帝呼召你哋享有同一嘅盼望。
5 我哋只有一位主,一信仰,一洗禮。
6 一位上帝,係人類嘅父;佢喺萬有中,統治萬有,貫徹萬有。
7 我哋每人都按照基督所分配,領受特別嘅恩賜,
8 好似聖經所寫:佢升上到至高之處時,帶住無數嘅俘虜,將恩賜賞給人。
9 「佢升上」呢句話係乜嘢意思呢?意思係:佢曾先降落,到地嘅最深處。
10 嗰個「降落」嘅就係「升上」到諸天之上嗰一位;佢噉樣做係要充滿萬有。
11 佢亦係「賜恩俾人類」嘅嗰一位;佢指定有使徒,有先知,有傳福音嘅,有牧師同教師;
12 目的係要準備聖徒為佢工作,建立教會-即係基督嘅身體。
13 最後,我哋對上帝之子有一致嘅信仰同認識;我哋將長大成人,滿有基督成長嘅身體。
14 使我哋唔好再好似小孩,中人所編造巧妙嘅詭計,跟各樣學風飄來飄去。
15 我哋要用愛心講誠實話,喺各方面在基督不停長進。連繫於元首基督;
16 全身倚靠佢,透過各關節筋絡互相配合彼此連結。噉樣,當各肢體發揮功用時,身體就漸漸長大,在愛中建立自己。
基督裏嘅新生命17 我現今奉主名勸告你哋:唔好再過異邦人嘅生活。佢哋嘅意思虛妄,
18 心地黑暗,同上帝所賜嘅生命隔絕;因為佢哋無知,剛愎自用。
19 喪盡羞恥嘅心,放縱情慾,做各種敗德嘅事。
20 但,你哋從基督所學嘅唔係噉樣!
21 你哋無疑聽過佢嘅道,做佢嘅信徒,領受喺耶穌裏嘅真理。
22 你哋就要掙脫使你哋生活喺腐敗中嘅「舊我」;此舊我係由私慾嘅誘惑而腐化嘅。
23 你哋嘅心思意念要更新,
24 要着上「新我」;係照上帝嘅形像造嘅,喺真理產生嘅正義同聖潔上表現出嚟。
25 因此,你哋唔好再講大話!每人必要向兄弟講真話,因為我哋都係基督身上嘅肢體。
26 你哋若發脾氣,唔好因此而犯罪;亦唔好含怒到日落;
27 不可俾魔鬼有機可乘。
28 從前偷竊嘅,唔好再偷;要靠雙手誠實工作致有力量幫助貧窮嘅人。
29 不可喺言語上傷害他人,只要講幫助人、造就人嘅話,使聽見嘅人得益。
30 不可使上帝嘅聖靈憂傷;因為聖靈係上帝擁有你哋嘅印記,保證上帝釋放你哋嘅日子就快到。
31 你哋要除去一切怨恨、暴戾、忿怒。不可再吵鬧或毀謗;不可再有任何仇恨。
32 要親切仁慈相待,彼此饒恕,好以上帝透過基督饒恕你哋一樣。