帖撒羅尼迦前書 2
保羅喺帖撒羅尼迦工作1 兄弟呀,你哋自己知道,我哋去訪問你哋並唔係冇效果嘅。
2 我哋去你哋處以前,喺腓立比已經被人迫害及侮辱。但我哋嘅上帝俾勇氣我哋,使我哋唔怕任何阻攔,將佢嘅福音傳俾你哋。
3 我哋嘅勸勉唔係出於幻想,或唔正當嘅動機,亦唔係用詭詐。
4 係上帝揀選我哋,將傳福音嘅任務託付我哋。為噉,我哋只講佢要我哋講嘅話。我哋唔討好人,只求討好嗰位察驗我哋內心嘅上帝。
5 我哋從來唔向你哋講奉承嘅話,亦冇貪心嘅念頭;呢啲係上帝可以為我哋作證嘅。
6 我哋唔求任何人嘅稱讚,冇求你哋嘅,亦冇求其他人嘅。
7 我哋身為基督嘅使徒,本來有權要求你哋嘅尊重;但係喺你哋處時,我哋溫柔待你哋,好似母親待自己嘅仔女一樣。
8 為愛你哋,我哋唔單只願意同你哋分享從上帝嚟嘅福音,連我哋嘅生命亦願意俾你哋,因為你哋係我哋所痛愛嘅!
9 兄弟呀,你哋必定記得,我哋點樣日夜辛勤工作,向你哋傳上帝福音時,不至於成為你哋嘅負擔。
10 對你哋信徒,我哋嘅言行都係純潔、公正、無可責備。呢一點,你哋自己同上帝都可以作證。
11 你哋亦知道,我哋待你哋每人,好似父親待自己嘅仔女一樣。
12 我哋鼓勵你哋,安慰你哋;不停勸你哋要喺生活上合乎上帝,佢呼召你哋入佢嘅國得佢嘅榮耀。
13 我哋亦不歇感謝上帝;因為我哋所傳嘅信息,你哋聽見就領受,並唔以為係領受人嘅信息,而係領受確實出自上帝嘅信息;
14 兄弟呀,你哋嘅遭遇同猶太地區上帝嘅各教會-屬於基督耶穌嘅信徒-所遭遇嘅一樣。你哋喺自己同胞手中受迫害,正如佢哋受猶太同胞迫害一樣。
15 嗰啲猶太人殺咗主耶穌同先知,又迫害我哋。佢哋冒犯上帝,亦同全人類為敵!
16 佢哋甚至要阻止我哋向異邦人傳講嗰啲會使異邦人得救嘅信息。佢哋不停累積自己嘅罪,惡貫滿盈;上帝嘅義憤終於臨到佢哋嘅身上。
保羅希望再訪問帖撒羅尼迦教會17 兄弟呀,我哋同你哋暫時分開,不過係身體嘅分開,我哋嘅心並冇離開過你哋!
18 我哋好想再去你哋處!我保羅唔只一次想返去探你哋,但係撒但阻攔我。
19 你哋係我哋嘅希望,我哋嘅喜樂。喺我哋主耶穌再來時,我哋所要誇耀嘅冠冕就係你哋?
20 你哋的確係我哋嘅光榮,我哋嘅喜樂!