Library · yue

帖撒羅尼迦前書 3

1 我哋不能再等,終於決定繼續留喺雅典,

2 打發我哋嘅兄弟提摩太去你哋處;佢係我哋嘅同工,為上帝傳揚基督嘅福音。我哋打發佢去嘅目的係要堅固同幫助你哋嘅信心,

3 免致有人因為受迫害而退縮。你哋知道,呢啲迫害亦係我哋一定要經歷嘅。

4 同你哋喺一齊時,我哋已經預先話你哋知有關我哋將受迫害嘅事。現今所發生嘅同預料嘅正符合;呢啲係你哋知嘅。

5 為噉,我不能再等;我就打發提摩太去。為要知道你哋嘅信心到底點樣。我唔相信魔鬼已經誘惑你哋,使我哋嘅工作落空!

6 現今,提摩太已經由你哋處返嚟。佢帶嚟有關你哋信心同愛心嘅好消息。佢話你哋常時想念我哋,迫切希望見到我哋,好似我哋迫切希望見到你哋一樣。

7 所以,兄弟呀。我哋喺一切患難困苦中,因為你哋嘅信心就得到鼓勵。

8 若你哋對主有堅定嘅信心,我哋就可以生活咯。

9 現今我哋為你哋感謝上帝。因為你哋使我哋喺佢面前得到喜樂。

10 我哋日夜向佢懇切祈求,等我哋能親自去見你哋,嚟補足你哋喺信心上嘅需要。

11 願上帝-我哋嘅天父,同我哋嘅主耶穌親自開路,等我哋能去你哋處。

12 願主使你哋有彼此相愛同愛人類嘅心,並日益增長,好似我哋熱愛你哋一樣。

13 佢會使你哋心志堅定,喺我哋嘅主耶穌同佢眾聖徒返嚟時,在我哋父上帝前聖潔,冇缺點。