希伯來書 12
我們嘅父上帝1 我哋有咁多見證人,好似雲彩一樣圍住我哋,就應該排除一切嘅障礙同纏累我哋嘅罪,堅忍奔跑我哋前頭嘅路程。
2 我哋要注視耶穌,因為佢係我哋信心嘅始創者同完成者。佢唔喺十字架前退縮;為得前面嘅喜樂,唔將死喺十字架上嘅羞辱當做一回事。現今佢已經坐喺上帝寶座嘅右邊。
3 你哋要思想。佢點樣忍受罪人嘅憎恨!所以你哋唔好灰心喪志。
4 你哋同罪惡鬥爭,重未抵抗到生死嘅關頭。
5 唔通你哋忘記上帝點樣用勸仔嘅話勸你哋?佢話:我仔呀、要留心主嘅管教,唔好因佢嘅責備而灰心;
6 因為主管教佢愛嘅人,鞭打佢收納嘅仔。
7 你哋要忍受管教,因為你哋受管教係表示上帝待你哋好似待仔一樣。邊處有仔唔被父管教嘅呢?
8 若你哋唔似其他嘅仔接受管教,你哋就唔係真嘅仔,係私生嘅。
9 對於肉體嘅父,我哋接受管教,仍然尊敬佢哋。對於靈性嘅父,我哋豈唔係要更加順服,為求得到生命咩?
10 肉體嘅父隨自己嘅意思暫時管教我哋;但上帝嘅管教係想我哋得益,使我哋喺佢嘅聖潔有份。
11 我哋被管教時,悶悶不樂;過後,因受管教而經歷鍛鍊嘅人能結出平安嘅果,過正直嘅生活。
教導同規勸12 為噉,你哋要將無力嘅手舉起,將軟弱嘅膝伸直!
13 要為你嘅腳修直要行嘅路,使跛腳嘅不至於完全殘廢,反而重新得力量。
14 要努力同人和睦,過聖潔嘅生活;冇聖潔生活嘅人就不能見主。
15 要謹慎,免至有人失去上帝嘅恩典。好似一樖有毒嘅植物,長大起嚟,遺害人羣。
16 又好似以掃一樣,淫亂唔敬虔,為一啲食物就將長子嘅名分出賣。
17 後來,佢想得到父親嘅祝福,但係被拒絕;雖然佢流淚想搵補救嘅辦法,但冇法改變佢已經做嘅事。
18 你哋唔係嚟到一個可觸摸嘅西乃山,好似以色列人民到過嘅;嗰處有火燄、密雲、黑暗,同風暴,
19 有號筒嘅響聲同說話嘅聲。人民聽見此話時,就求唔好再俾佢哋聽見其他嘅話;
20 因為佢哋承擔唔起嗰啲命令話:「掂到此山嘅,即使係牲畜亦要用石將佢掟死。」
21 嗰啲景象真係可怕,以致摩西話:「我戰慄恐懼!」
22 你哋乃係嚟到錫安山,永活上帝嘅城,係天上嘅耶路撒冷,有千萬嘅天使。
23 你哋係嚟到上帝長子歡聚嘅場所,此長子嘅名已經寫喺天上。你哋係嚟到審判萬人嘅上帝面前,係嚟到已經達到完全嘅義人嘅靈嗰處。
24 你哋係嚟到新約嘅中保耶穌面前,係嚟到所灑嘅血嗰處;此血表達嘅遠勝過亞伯嘅血。
25 你哋要謹慎,唔好拒絕嗰位向你哋講話嘅。嗰啲拒絕喺地上將神聖嘅信息傳俾佢哋嘅人尚且不能逃罪,若我哋拒絕由天上向我哋講話嘅嗰位,就更不能為冇罪咯!
26 當時,佢嘅聲震動地,但現今佢答應:「再一次,我唔單只震動地,亦要震動天。」
27 「再一次」呢句話明顯表示被造嘅物要被震動,被移開,等嗰啲未被震動嘅留落嚟。
28 所以,我哋要為承受嗰個不能震動嘅國感恩。我哋要照上帝喜悅嘅,用虔誠敬畏嘅心事奉佢,
29 因為我哋嘅上帝係烈火。