雅各書 2
警告唔好偏心1 我嘅兄弟呀,旣然你哋係我哋榮耀主耶穌基督嘅信徒,就唔好憑人嘅外表,用唔用嘅態度對待人。
2 若有個有錢人手帶金戒指,着靚衫,嚟到你哋嘅會堂,同時有一個着爛衫嘅窮人亦嚟;
3 你若對嗰個着靚衫嘅人特別客氣,話:「請上座」,但對嗰個窮人話:「你企喺一邊」,或話:「坐喺我腳凳隔籬」,
4 你就係偏心,係惡意歧視人。
5 我親愛嘅兄弟,你哋要聽:上帝揀選世上嘅窮人使佢哋喺信心上富足,又俾佢哋承受佢應許俾愛佢嘅人嘅新國度。
6 你哋竟然侮辱窮人!其實,欺壓你哋,將你哋拉去見官嘅,正係呢班有錢人!
7 詆毀你哋所領受尊貴名稱嘅,亦係佢哋。
8 你哋若遵守聖經所記:「愛人如己」嗰個新國度嘅法則,就啱。
9 但係,你哋若憑人嘅外表待人,就係犯罪;律法要判定你哋係犯法嘅。
10 邊個違背律法其中一條嘅誡命,就等於違背全部律法。
11 因為嗰位命令話「唔好姦淫」嘅,亦話「唔好殺人」。即使你唔犯姦淫,你殺人就係違背律法。
12 既然你哋要受使人得自由嘅法則審判,你哋嘅言行就要符合此標準。
13 因為上帝審判時,唔會用仁慈待嗰啲唔仁慈嘅人;仁慈係勝過審判。
信心同行為14 我嘅兄弟!若有人話佢有信心,但不能用佢嘅行為證明出嚟,有乜用呢?佢嘅信心能救佢咩?
15 你哋中有兄弟或姊妹冇得着,冇得食,
16 但你哋對佢話:「平安!平安!願你哋穿得暖,食得飽!」而唔俾佢哋所需要嘅,有乜用呢?
17 同樣,信心冇行為就係死嘅。
18 但有人話:「呢個人有信心;嗰個人有行為。」我答話:「你俾我睇嗰啲冇行為嘅信心,我用行為俾你睇我嘅信心。」
19 你相信只有一位上帝,你噉樣信係冇錯!邪靈亦噉樣信,而且非常怕佢。
20 蠢人呀!你哋唔知冇行為嘅信心係無用嘅咩?
21 我哋嘅祖宗亞作拉罕係點樣能稱義呢?係由佢將自己嘅仔以撒獻喺祭壇上嘅行為。
22 可見,信心同行為並行,佢嘅信心係透過行為而達到完全。
23 聖經話:「亞伯拉罕信上帝,因佢嘅信,上帝算佢係義。」呢啲話實現咗;佢就稱為上帝嘅朋友。
24 所以,人稱義係因為行為,唔單係因為信心。
25 妓女喇合嘅情形亦係一樣。佢被認為義人係因為佢接待猶太人嘅使者,又幫助佢哋由另一條路逃走。
26 所以,好似身體冇靈魂係死嘅,信心冇行為亦係死嘅。