約翰壹書 3
上帝嘅仔女1 你哋睇,父幾咁愛我哋!甚至稱我哋做上帝嘅仔女;事實上,我哋係佢嘅仔女。世人唔認識我哋,係因為佢哋重未認識上帝。
2 親愛嘅朋友,現今我哋係上帝嘅仔女,將來如何,重未顯明。但係,我哋知道,基督顯現時,我哋都一定似佢,因為我哋將見佢嘅真體。
3 每個盼望基督顯現嘅人都會保持自己嘅純潔,好似基督係純潔嘅一樣。
4 所有犯罪嘅,係違背上帝嘅律法,因為罪就係違背律法。
5 你哋知道,基督顯現嘅目的係要除去人嘅罪;佢自己並冇罪。
6 所以,所有活喺基督生命中嘅人都唔犯罪;所有繼續犯罪嘅人未見過基督,亦未曾認識佢。
7 小子呀!唔好被人哋誘惑。遵行公義嘅,致係義人,好似基督係公義嘅。
8 繼續犯罪嘅,係屬魔鬼,因為魔鬼從起初就犯罪。為此緣故,上帝之子顯現,嚟毀滅魔鬼嘅工作。
9 所有上帝嘅仔女都唔繼續犯罪,因為上帝嘅生命喺佢哋心中。既然上帝係佢哋嘅父,佢哋就唔會繼續犯罪。
10 上帝嘅仔女同魔鬼嘅仔女有好明顥嘅分別:所有唔遵行公義、唔愛自己兄弟嘅,就唔係上帝嘅仔女。
彼此相愛11 你哋從起初聽到嘅信息就係:要彼此相愛。
12 我哋唔好學該穩。佢屬於嗰個邪惡者;佢殺死自己嘅細佬。佢點解殺死佢呢?因為佢自己嘅行為邪惡,而佢細佬嘅行為正直。
13 兄弟呀,世界嘅人若恨你哋,你哋唔使希奇。
14 我哋知道我哋已經出死入生;係因為我哋愛兄弟。凡冇愛心嘅,仍然喺死嘅權勢下。
15 所有恨自己兄弟嘅,就係殺人嘅;所有殺人嘅,就冇永生。
16 基督為我哋犧牲生命,從呢點,我哋就知道乜嘢係愛。噉樣,我哋亦應該為兄弟犧牲生命!
17 一個有錢嘅人睇見自己嘅兄弟缺乏,但塞住憐恤嘅心,點能話佢愛上帝呢?
18 小子呀!我哋相愛唔應該只係口頭上嘅愛,必要係真實嘅愛,用行為證明出嚟!
喺上帝面前放瞻無懼19 從此就知道我哋係屬真理嘅;我哋喺上帝面前心安理得。
20 即使良心自責,我哋仍然知道上帝比我哋嘅心大;佢無所不知。
21 所以,親愛嘅朋友,若我哋嘅良心唔責備我哋,我哋喺上帝面前就可以放膽無懼。
22 我哋無論向佢求乜嘢,佢都會賜俾我哋;因為我哋遵守佢嘅命令,做佢所喜歡嘅事。
23 佢嘅命令係:我哋必要信佢嘅仔耶穌基督,而且照基督嘅命令彼此相愛。
24 所有遵守上帝命令嘅,就有上帝嘅生命,而上帝亦喺佢嘅生命中。我哋點樣知道上帝喺我哋嘅生命中呢?係由於佢賜俾我哋嘅聖靈。